CRYSTAL PALACE YAILAZA CHELSEA 2-1

WILFRED ZAHA AKISHANGILIA MARA BAADA YA KUFUNGA GOLI

Na. John Shemaghoda

Palace ilikuwa imepoteza mechi zake zote saba tangu ligi ianze zikiwemo mechi tatu chini ya Mkufunzi mpya Hodgson na walikuwa wameshindwa kufunga hata bao moja.

Huku wakiweza kusawazisha tatizo hilo la kutofunga mara baada ya Yohan Cabaye kusababisha bao ambalo lilimgonga beki wa Chelsea David Luiz na kuingia wavuni.

Goli hilo lilidumu kwa dakika nane pekee kabla ya Chelsea kurudisha kupitia kwa kona iliyopigwa na Fabregas kufungwa na Tiemoue Bakayoko na kupelekea kuwa wa sare ya goli 1 kwa 1.

Mshambuji Zaha aliweza kupachika bao la pili kwa upande wa Palace, goli ambalo lilidumu katika kipindi cha kwanza na kikosi hicho cha Hodgson kikaweza kuzuia ushindi huo hadi kipenga cha mwisho.

Licha ya ushindi huo, hatahivyo Palace haitaondoka  mkiani  mwa msimamo wa ligi kuu ya nchini Uingereza lakini imepunguza pengo la pointi nne, kwa aliye juu yake.

Huku mabingwa wa ligi hiyo Chelsea nao watasalia katika nafasi ya nne wakiwa na alama tisa nyuma ya vinara wa ligi hiyo Manchester City.