LUKAKU AMSHANGAZA MOURINHO

Mshambuliaji wa Manchester United Lomelo Lukaku akishangilia

 Manchester, Uingereza

KOCHA,wa Mancherster United Jose Mourinho afunguka juu ya mshangao wake dhidi ya mshambuliaji wake Romelu Lukaku,kwa kiwango anachokionyesha klabuni hapo kwa sasa,huku akisema hakutegemea kumwona mchezaji huyo akiwa na kasi ya namna hiyo.

Lukaku alifunga magoli mawili katika mchezo wa roundi ya pili michuano ya UEFA Champions league dhidi ya CSKA Moscow ya kutoka nchini Urusi uliyochezwa juma hili na kwa kufanya hivyo amefikisha idadi ya magoli matatu katika michuano hiyo,huku akiwa na jumla ya magoli sita katika ligi kuu nchini Uingereza.

 

Kocha wa Manchester United Jose Mourinho

Hata hivyo Mourinho alisema”Nilifahamu anaweza kufunga mabao mengi zaidi akiwa na sisi kuliko alipo kuwa na Everton,hata hivyo sikuwa na uhakika kuwa ataweza kufunga katika kila mchezo hilo limenishangaza sana” alisema.

Mchezaji huyo alisajiliwa kwa dau la paunti Million 75 katika dirisha la usajili lililo pita akitokea katika klabu ya Everton inayoshiriki ligi kuu nchini Uingereza.